ភ្នំពេញ៖ នាព្រឹកថ្ងៃទី២៨ ខែមេសា ឆ្នាំ២០២៣នេះ ព្រះអគ្គិជ័យកីឡា បានចាកចេញពីខេត្តស្ទឹងត្រែង មកដល់ខេត្តក្រចេះ ហើយនឹងបន្តហែមកខេត្តត្បូងឃ្មុំ ខេត្តកំពង់ចាម ខេត្តកណ្ដាល រួចចូលមកភ្នំពេញនាល្ងាចដដែលនេះ។
ភ្លើងគប់ និងព្រះអគ្គិជ័យកីឡា នឹងដង្ហែមកកាន់វេទិកា រមណីយដ្ឋានប្រវិត្តសាស្ត្រវត្តភ្នំ រួចទើបដង្ហែទៅតម្កល់ទុកនៅ វត្តលង្កាព្រះកុសុមារាម ដោយមានការរៀបចំពិធីសាសនា និងបាញ់កាំជ្រួចផងដែរ។
គិតត្រឹមថ្ងៃទី២៨ ខែមេសា ឆ្នាំ២០២៣នេះ នៅសល់តែ៧ថ្ងៃទៀតប៉ុណ្ណោះនឹងឈានដល់ការប្រកួតស៊ីហ្គេមឆ្នាំ២០២៣ ដែលថ្ងៃបើកកម្មវិធីប្រកួតនឹងធ្វើឡើងនៅថ្ងៃទី០៥ ខែឧសភា ឆ្នាំ២០២៣ខាងមុខនេះ៕
ព័ត៌មានជាច្រើនទៀតសម្រាប់អ្នក
